ഖത്തറിൽ പുതുതായെത്തുന്ന പ്രവാസികൾ 30 ദിവസത്തിനകം റെസിഡൻസി പെർമിറ്റ് തയ്യാറാക്കണമെന്ന് നിർദേശം
ഖത്തറില് തൊഴില് തേടിയെത്തുന്നവര്ക്ക് റെസിഡന്സ് പെര്മിറ്റിനുള്ള നടപടികള് പൂര്ത്തിയാക്കാന് നേരത്തെ മൂന്ന് മാസം വരെ സാവകാശം നല്കിയിരുന്നു
ദോഹ: ഖത്തറില് പുതുതായെത്തുന്ന പ്രവാസികള് 30 ദിവസത്തിനകം റെസിഡന്സി പെര്മിറ്റ് തയ്യാറാക്കണമെന്ന നിര്ദേശവുമായി ആഭ്യന്തര മന്ത്രാലയം. ഇക്കാര്യത്തില് വീഴ്ച വരുത്തുന്നവര്ക്ക് 10,000 റിയാല് വരെയാണ് പിഴ.
ഖത്തറില് തൊഴില് തേടിയെത്തുന്നവര്ക്ക് റെസിഡന്സ് പെര്മിറ്റിനുള്ള നടപടികള് പൂര്ത്തിയാക്കാന് നേരത്തെ മൂന്ന് മാസം വരെ സാവകാശം നല്കിയിരുന്നു. എന്നാല് ആഭ്യന്തര മന്ത്രാലയത്തിന്റെ പുതിയ മുന്നറിയിപ്പ് പ്രകാരം ഖത്തറിലെത്തി 30 ദിവസത്തിനകം റെസിഡന്സി പെര്മിറ്റുമായി ബന്ധപ്പെട്ട നടപടികളെല്ലാം പൂര്ത്തിയാക്കിയിരിക്കണം.
നിയമം ലംഘിക്കുന്ന പക്ഷം പതിനായിരം ഖത്തര് റിയാല് വരെ പിഴ ലഭിക്കാം. തൊഴിലുടമകളും പ്രവാസികളും ഇക്കാര്യത്തില് ജാഗ്രത പാലിക്കണമെന്നും നിയമങ്ങള് അനുസരിക്കണമെന്നും മന്ത്രാലയം സോഷ്യല് മീഡിയ പ്ലാറ്റ്ഫോമുകള് വഴി ആവശ്യപ്പെട്ടു.
Next Story
Adjust Story Font
16